بتسألينى عن حالى فى بعدك ..
وعايش إزاى من بعدك ..
كفاية أقولك ..
لسة بحبك ..
فى بعدك ضحكت كتير ..
لكن بكيت أكتر ..
وهربت كتير من حبك ..
لقيته جوايا بيكبر ..
ومشيت بين ورود الذكريات ..
مرة تتمايل وترقص ..
ومرات تقول آهات ..
بتسألينى عن حالى ..
قد إيه فى بعدك مُرة الليالى ..
قد إيه غيابك فوق احتمالى ..
مش هقولك بتبكى عينيا ..
كل شىء بيبكى عليكى حواليا ..
مشتاقة كلمة " مشتاق " ..
أقولهالك فى كل ثانية فراق ..
ومش بلومك ولا بعاتب الزمان ..
راضى فى هواكى أكون ..
شهيد الحرمان ..
يا حب عمرى كله ..
مهما طال الغياب ..
عشان حبى يعيش ..
أتحمل أى عذاب ..
هتنسينى ، وإيه يعنى ..
كفاية إنى هفضل فاكرك ..
مهما قلبك ودعنى ..
هفضل مركب وفا عايم ببحرك ..
بتسألينى عن حالى فى بعدك ..
وعايش إزاى من بعدك ..
كفاية أقولك ..
لسة بحبك ..
بحبك ..
منقول